ສະຖານກົງສູນໃຫຍ່ ສສ ຫວຽດນາມ ປະຈຳ 4 ແຂວງພາກໃຕ້ ທີ່ນະຄອນປາກເຊ ຮ່ວມກັບ ອົງການປົກຄອງແຂວງຈຳປາສັກ ສປປ ລາວ ໄດ້ຈັດກອງປະຊຸມຮ່ວມມືດ້ານການຄ້າ, ການລົງທຶນ ແລະ ການທ່ອງທ່ຽວ ເພື່ອຊຸກຍູ້ແລວເສດຖະກິດ ຕາເວັນອອກ-ຕາເວັນຕົກ ແລະ ເຂດສາມຫຼ່ຽມພັດທະນາ ກຳປູເຈຍ-ລາວ-ໄທ ແລະ ຫວຽດນາມ ຂຶ້ນໃນວັນທີ 10 ເມສານີ້, ຢູ່ໂຮງແຮມຈຳປາສັກແກຣນ ນະຄອນປາກເຊ ໂດຍການເຂົ້າຮ່ວມຂອງ ທ່ານ ຫງວຽນ ວັນ ຈຸງ ກົງສູນໃຫຍ່ ແຫ່ງ ສສ ຫວຽດນາມ ປະຈໍາ 4 ແຂວງພາກໃຕ້, ທ່ານ ວິໄລວົງ ບຸດດາຄໍາ ເຈົ້າແຂວງຈໍາປາສັກ. ມີການນໍາຂັ້ນສູງຂອງກະຊວງທີ່ກ່ຽວຂ້ອງ, ການນໍາບັນດາແຂວງ 18 ແຂວງ ທີ່ມາຈາກ 4 ປະເທດ ໃນເຂດສາມຫຼ່ຽມພັດທະນາ ຄື: ສສ ຫວຽດນາມ, ສປປ ລາວ, ຣາຊະອານາຈັກກຳປູເຈຍ, ຣາຊະອານາຈັກໄທເຂົ້າຮ່ວມ.
ທ່ານ ຫງວຽນ ວັນ ຈຸງ ມີຄໍາເຫັນວ່າ: ກອງປະຊຸມຄັ້ງນີ້ ຖືວ່າເປັນໂຄງການໃຫຍ່ ແລະ ມີປະສິດທິຜົນທີ່ສຸດ ເພື່ອປະກອບສ່ວນຊຸກຍູ້ບັນດາເນື້ອໃນການຮ່ວມມືພັດທະນາແລວເສດຖະກິດ ຕາເວັນອອກ-ຕາເວັນຕົກ ແລະ 3 ຫຼ່ຽມພັດທະນາ ກໍາປູເຈຍ, ລາວ, ຫວຽດນາມ ທັງປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງ 4 ປະເທດ ຫວຽດນາມ, ລາວ, ກຳປູເຈຍ ແລະ ໄທ. ກ່ຽວກັບແລວເສດຖະກິດ ຕາເວັນອອກ-ຕາເວັນຕົກ ແມ່ນໂຄງການທີ່ລິເລີ່ມແຕ່ປີ 1998 ໂດຍມີເປົ້າໝາຍເພື່ອເພີ່ມທະວີການຮ່ວມມືດ້ານເສດຖະກິດ, ຊຸກຍູ້ການຄ້າ, ການລົງທຶນ ແລະ ການພັດທະນາ ລະຫວ່າງບັນດາປະເທດສະມາຊິກ; ຫຼຸດຜ່ອນຄ່າຂົນສົ່ງ, ຊຸກຍູ້ການຂົນສົ່ງສິນຄ້າ ແລະ ຊ່ວຍຊຸກຍູ້ການພັດທະນາບັນດາທ້ອງຖິ່ນບົນແລວເສດຖະກິດຕາເວັນອອກ - ຕາເວັນຕົກ.
ທ່ານ ວິໄລວົງ ບຸດດາຄໍາ ມີຄໍາເຫັນວ່າ: ກອງປະຊຸມຄັ້ງນີ້ ເປັນການເປີດໂອກາດທີ່ສໍາຄັນ ໃຫ້ພວກເຮົາ ໄດ້ແລກປ່ຽນຄວາມຄິດເຫັນ ໃນການເພີ່ມທະວີການຮ່ວມມືຮອບດ້ານ ໂດຍສະເພາະ ໃນກອບຂອງ 4 ປະເທດ. ສປປ ລາວ ເວົ້າລວມ, ເວົ້ສາເພະແມ່ນແຂວງຈໍາປາສັກ ໃນໄລຍະຜ່ານມາ ເຄີຍມີການພົວພັນ ຜ່ານຂອບການຮ່ວມມືຂອງ ຊີແອວວີ (CLV) ກຳປູເຈຍ, ລາວ, ຫວຽດນາມ ແລະ (ຊີແອວທີວີ) (CLTV) ກຳປູເຈຍ, ລາວ, ໄທ, ຫວຽດນາມ ຊຶ່ງລັດຖະບານ, ການນໍາບັນດາແຂວງ ແລະ ຂະແໜງການກ່ຽວຂ້ອງຕ່າງໆ ຂອງ 18 ແຂວງ ໃນ 3-4 ປະເທດ ໄດ້ມີການພົວພັນຮ່ວມມີໃນການຈັດຕັ້ງປະຕິບັດບັນດາ ຂໍ້ຕົກລົງຕ່າງໆ ທີ່ໄດ້ຕົກລົງຮ່ວມກັນ ແລະ ໄດ້ບັນລຸຜົນສໍາເລັດໃນຫຼາຍດ້ານເປັນກ້າວໆມາ. ເພື່ອເປັນການປະກອບສ່ວນໃນການຮ່ວມມືລະດັບຊາດ ທີ່ເປັນເງື່ອນໄຂ ໃຫ້ພວກເຮົາສາມາດສືບຕໍ່ຜັນຂະຫຍາຍບັນດາແຜນງານ ການຮ່ວມມືໃຫ້ເຂົ້າສູ່ລວງເລິກ ເປັນຕົ້ນແມ່ນການສົ່ງເສີມການລົງທຶນ, ການຄ້າ, ການທ່ອງທ່ຽວ ແລະ ການເຊື່ອມໂຍງເຊື່ອມຈອດ ຊຶ່ງຈະເປັນຄັ້ງທໍາອິດ ທີ່ພວກເຮົາຈະໄດ້ສ້າງຄວາມເຂົ້າໃຈອັນດີ ໃນການເສີມຂະຫຍາຍສາຍພົວພັນ ທັງທາງດ້ານເສດຖະກິດ ແລະ ວັດທະນະທໍາ - ສັງຄົມຂອງ ໃຫ້ນັບມື້ນັບແໜ້ນແຟ້ນຂຶ້ນເລື້ອຍໆ.
(ຂ່າວ-ພາບ: ທູນທອງໃຈ)
ທ່ານ ຫງວຽນ ວັນ ຈຸງ ມີຄໍາເຫັນວ່າ: ກອງປະຊຸມຄັ້ງນີ້ ຖືວ່າເປັນໂຄງການໃຫຍ່ ແລະ ມີປະສິດທິຜົນທີ່ສຸດ ເພື່ອປະກອບສ່ວນຊຸກຍູ້ບັນດາເນື້ອໃນການຮ່ວມມືພັດທະນາແລວເສດຖະກິດ ຕາເວັນອອກ-ຕາເວັນຕົກ ແລະ 3 ຫຼ່ຽມພັດທະນາ ກໍາປູເຈຍ, ລາວ, ຫວຽດນາມ ທັງປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງ 4 ປະເທດ ຫວຽດນາມ, ລາວ, ກຳປູເຈຍ ແລະ ໄທ. ກ່ຽວກັບແລວເສດຖະກິດ ຕາເວັນອອກ-ຕາເວັນຕົກ ແມ່ນໂຄງການທີ່ລິເລີ່ມແຕ່ປີ 1998 ໂດຍມີເປົ້າໝາຍເພື່ອເພີ່ມທະວີການຮ່ວມມືດ້ານເສດຖະກິດ, ຊຸກຍູ້ການຄ້າ, ການລົງທຶນ ແລະ ການພັດທະນາ ລະຫວ່າງບັນດາປະເທດສະມາຊິກ; ຫຼຸດຜ່ອນຄ່າຂົນສົ່ງ, ຊຸກຍູ້ການຂົນສົ່ງສິນຄ້າ ແລະ ຊ່ວຍຊຸກຍູ້ການພັດທະນາບັນດາທ້ອງຖິ່ນບົນແລວເສດຖະກິດຕາເວັນອອກ - ຕາເວັນຕົກ.
ທ່ານ ວິໄລວົງ ບຸດດາຄໍາ ມີຄໍາເຫັນວ່າ: ກອງປະຊຸມຄັ້ງນີ້ ເປັນການເປີດໂອກາດທີ່ສໍາຄັນ ໃຫ້ພວກເຮົາ ໄດ້ແລກປ່ຽນຄວາມຄິດເຫັນ ໃນການເພີ່ມທະວີການຮ່ວມມືຮອບດ້ານ ໂດຍສະເພາະ ໃນກອບຂອງ 4 ປະເທດ. ສປປ ລາວ ເວົ້າລວມ, ເວົ້ສາເພະແມ່ນແຂວງຈໍາປາສັກ ໃນໄລຍະຜ່ານມາ ເຄີຍມີການພົວພັນ ຜ່ານຂອບການຮ່ວມມືຂອງ ຊີແອວວີ (CLV) ກຳປູເຈຍ, ລາວ, ຫວຽດນາມ ແລະ (ຊີແອວທີວີ) (CLTV) ກຳປູເຈຍ, ລາວ, ໄທ, ຫວຽດນາມ ຊຶ່ງລັດຖະບານ, ການນໍາບັນດາແຂວງ ແລະ ຂະແໜງການກ່ຽວຂ້ອງຕ່າງໆ ຂອງ 18 ແຂວງ ໃນ 3-4 ປະເທດ ໄດ້ມີການພົວພັນຮ່ວມມີໃນການຈັດຕັ້ງປະຕິບັດບັນດາ ຂໍ້ຕົກລົງຕ່າງໆ ທີ່ໄດ້ຕົກລົງຮ່ວມກັນ ແລະ ໄດ້ບັນລຸຜົນສໍາເລັດໃນຫຼາຍດ້ານເປັນກ້າວໆມາ. ເພື່ອເປັນການປະກອບສ່ວນໃນການຮ່ວມມືລະດັບຊາດ ທີ່ເປັນເງື່ອນໄຂ ໃຫ້ພວກເຮົາສາມາດສືບຕໍ່ຜັນຂະຫຍາຍບັນດາແຜນງານ ການຮ່ວມມືໃຫ້ເຂົ້າສູ່ລວງເລິກ ເປັນຕົ້ນແມ່ນການສົ່ງເສີມການລົງທຶນ, ການຄ້າ, ການທ່ອງທ່ຽວ ແລະ ການເຊື່ອມໂຍງເຊື່ອມຈອດ ຊຶ່ງຈະເປັນຄັ້ງທໍາອິດ ທີ່ພວກເຮົາຈະໄດ້ສ້າງຄວາມເຂົ້າໃຈອັນດີ ໃນການເສີມຂະຫຍາຍສາຍພົວພັນ ທັງທາງດ້ານເສດຖະກິດ ແລະ ວັດທະນະທໍາ - ສັງຄົມຂອງ ໃຫ້ນັບມື້ນັບແໜ້ນແຟ້ນຂຶ້ນເລື້ອຍໆ.
(ຂ່າວ-ພາບ: ທູນທອງໃຈ)
ຄໍາເຫັນ